main apne na hone ka maatam man raha hoon
kyunki jo main hoon wo main nahi hoon
wo koi aur hai.
aur jo main tha wo ab main nahi hoon.
bahut si aadatein samay k saath dafn ho gayi hai.
unki yaad aane par barsi mana leta hoon.
tasveero ko dekhar main
muskurahat ke phool chada deta hoon.
yaar ye khyaal kaha se aa rahe hai
lagta hai aaj wo ruka hua baandh
toot gaya hai shayad isiliye ye
dhaddhaate huye mere paas aa rahe hai.
kya boss fir chale gaye tum us band haveli me
jaha logo ka aana jaana mana hai.
sun hai ki
waha kuch sirfire utt patang baatein karte hai
ek kala choga pehna sir dhaakkar
pedo ki daaliyo par chalaa karte hai
shaam ko tyaari chalti hai zoro shoro par
aadhi raat ko raadhyaein nikalti hai
shyaam rang odke ye raas leela karte hai
raat bhar madhur sangeet k beech
ye aadhyatam tak pahuchte hai.
khair chor do is haveli ko
main yaha se nikal kar
kahi door jaana chahat hoon
jaha mere aaradhya apni swamini k saath
vishaal vraksh ki chupaal ki chaav me
baith kar mera intezaar kar rahe hai
prabhu jee main aapke charno me
baithkar sukun so so paongaa.
ye duniya mujhe sapno me uljhaaye rakhti hai
aur hakikat bankar mujhe darati rehti hai.
yaha door door tak shaanti ka naamo nishaan nahi
infrastructure k naam par nature ka roz blaatkaar karte hai.
inko samjhane jao to aadimanav kehkar prahaar karte hai.
aasman se bhi main nazare nahi mila paata.
inke banaye huye pollution se wo bhi pareshaan hai.
kaha jao main mere prabhu
dil to mera saaf hai iraade bhi nek hai
fir kyun main yaha atkaa hua mehsoos kar raha hoon
chah kar bhi main aagey nahi bad paa raha hoon.
manzil k saamney aate hi
hauslaa naa jane kaha
gayab ho jaata hai.
aur jaha se shuruwaat ki thi maine
ye dil wapas wahi pahuch jaata hai.
kai baar aisa hua kai baar
ab to shuruwaat karne me bhi darr lagta hai.
kinaro par baithkar bus patthar fek
raha hoon in lahro me.
ab naav lekar utarne me darr lagta hai.
tu mil jaata mujhse to thoda hausla udhaar de deta
par ab naa jane kaha kaise milega ye hausla mujhe.
tab tak patthar fek kar kaam chalana padegaa.
No comments:
Post a Comment