superhit hai. maine socha bhi nahi ki ye movie aisi hogi. I thought ye bhi regular South filmo ki tarah hogi jisme na yakeen karne wala aur apko hasane waale 'Action' hota hai. Par main to bilkul galat saabit hua.
Ye to bahut hi pyaari Love Story hai. Vicky Donor k baad agar koi love story mujhe achchi lagi hai to wo '3' hai.
Aishwary R. Dhanush waakai ek Talented Director hai. Unki lagaam poori film par nazar aati hai. Its like ki Jaisa unhone Imagine kiya tha thik vaisa hi wo Parde par utaar rahi hai. 1-1 frame me unki lagan aur apni Kahaani se pyaar saaf dilkhta hai. Mujhe isse lagaao isiliye bhi hai kyunki main bhi school days me kuch aisa hi karta tha. khaaskar Tution waala sequence. Waha to jaisi kisi dost ki Girfriend aati to sab hooting shuru kar dete hai aur dheere se awaaz aati 'Yaar teri waali aa gayi'. Music bhi achcha hai haalaki lyrics maine Subtitles k thru samjhe aur waakai dil ko chu gaye especially. "Kannazhagae, Perazhagae,
Penazhagae, Ennazhagae" i.e. "Hey beautiful eyed girl, hey gorgeous girl
Hey beautiful girl, my beautiful girl" jaisa ki translation me likha hai :)
Acting k maamle me Dhanush ka jawaab nahi. Unhone apna 100% diya hai. Unke Freind Senthil ka role jinhone kiya wo bhi kamaal hai. Shruti Hasan inhone thik vaisa hi kiya jaisa Director saahiba ne kaha aisa mujhe laga. Aur unhone achcha bhi kiya hai. par aisa laga mujhe ki unki acting me unki taraf se koi contribution nahi hai. wo jab bhi frame me aati aisa lagta ki unhe Aishwarya Jee ne jaisa kaha hai bus unhe vaisa hi karna so unki achchi acting ka shreya bhi Director ko jaata hai.
Overall its a Perfect Love Story wid a Social Message.
ummm haan 'its not a review' its just my feelings for the film.
aur mujhe lagta hai ki 'Vicky Donor aur 3 deserves a national award'
kyunki love story + social issues par itni badiya filmein aajkal bahut kam banti hai.
No comments:
Post a Comment